Мінабароны Вялікабрытаніі: Запалохаць краіны NATO Масква не здолее

Пасля ядзерных пагроз на адрас Даніі Вялікабрытанія накіруе ў румынскі порт Канстанца на Чорным моры свой найноўшы эсмінец.

Як паведамляе ЛIГАБiзнесIнформ, пра гэта заявіў міністр абароны Вялікабрытаніі Майкл Фэлан.

"Ні Румынія, ні Вялікабрытанія не будуць запалоханыя пагрозамі на адрас Альянсу або яго чальцоў", - цытуе Фэлана CBS News.

Фэлан заявіў, што Вялікабрытанія накіруе ў румынскі порт Канстанца на Чорным моры свой найноўшы эсмінец.

Словы міністра Фэлана прагучалі на фоне таго, як пасол РФ у Даніі Міхаіл Ванін заявіў, што данійскія вайсковыя караблі могуць стаць мішэнямі для расейскіх ядзерных ракет, калі Данія далучыцца да сістэмы СРА Альянсу.