Былыя кіраўнікі «Белкамунмаша» пагарэлі на фіктыўнай угодзе

За злоўжыванне ўладай іх могуць пасадзіць на дзесяць гадоў.

Былыя кіраўнікі ААТ «Кіруючая кампанія холдынгу «Белкамунмаш» падазраюцца ў незаконнай дзейнасці. Як паведамляе БелаПАН са спасылкай на ГУУС Менгарвыканкама, у супрацоўнікаў падраздзяленняў у барацьбе з эканамічнымі злачынствамі Партызанскага РУУС і сталічнага ГУУС з'явіліся падставы меркаваць, што ў снежні мінулага года выконваючы абавязкі генеральнага дырэктара і намеснік гендырэктара (абодва ўжо не працуюць у «Белкамунмашы»), злоўжываючы службовымі паўнамоцтвамі, арганізавалі афармленне фіктыўнай адгрузкі тралейбусаў у рамках выканання дамоў, падпісаных пры правядзенні працэдуры дзяржаўнай закупкі з прадпрыемствам «Менсктранс». Аднак фактычна прадукцыя пастаўленая не была.

Паводле наяўнай інфармацыі, за нібыта паспяховае выкананне плана рэалізацыі шэрагу супрацоўнікаў ААТ былі выплачаныя неабгрунтаваныя прэміі. Шкода склала блізу 300 млн. рублёў.

У дачыненні да падазроных распачатая справа паводле ч. 3 арт. 424 КК (злоўжыванне ўладай або службовымі паўнамоцтвамі, што пацягнула прычыненне шкоды ў буйным суме). Гэты артыкул прадугледжвае да дзесяці гадоў пазбаўлення волі з канфіскацыяй маёмасці.