«Рэал» заплаціць 20 мільёнаў еўраў за абаронцу «Порту» Данілу

Мадрыдскі «Рэал» заплаціць за трансфер абаронцы «Порту» Данілы 20 мільёнаў еўраў.

Пра гэта паведамляе by.tribuna.com са спасылкай на Marca.

Раней паведамлялася, што трансферная ўгода можа быць праведзеная за 30 млнаў еўраў, нягледзячы на тое, што прэзідэнт партугальскага клуба Нуну Пінту да Кошта першапачаткова патрабаваў не менш за 40 млн.

Тым не менш ён павінен быў пайсці на значныя саступкі, прымаючы пад увагу тую акалічнасць, што кантракт бразільскага футбаліста з «Порту» сканчаецца летам 2016 года. Даніла ўжо праінфармаваў кіраўніцтва клуба, што не збіраецца прадаўжаць пагадненне з ім.

Акрамя таго, у «Порту» ёсць і запазычанасці, якія клубу трэба тэрмінова заплаціць. Яны складаюць 25 мільёнаў еўраў.