Кошты нафты абрынаюцца пасля рэзкага скачка
2- 24.04.2015, 9:57
- 12,840
Сусветныя кошты нафты аднавілі зніжэнне пасля рэзкага скачка ў чацвер праз геапалітычныя навіны, сведчаць звесткі таргоў.
Кошт чэрвеньскіх ф'ючэрсаў нафты маркі Brent падчас гандлёвай сесіі на Лонданскай біржы абрынуўся на 0,43%, да 64,57 даляра за барэль. Падчас таргоў чацвярга кошт нафты гэтай маркі вырас больш чым на 3%, адзін час дасягаючы адзнакі 65,58 даляра за барэль, паведамляе BBC.
Кошт чэрвеньскіх ф'ючэрсаў нафты WTI зніжаўся на 0,5% - да 57,45 даляра за барэль. Напярэдадні кошт нафты гэтай маркі дасягнуў самага высокага ўзроўню сёлета - 58,41 даляра.
Росту коштаў нафты спрыялі навіны з Емена, дзе ў чацвер самалёты міжнароднай кааліцыі на чале з Саудаўскай Аравіяй нанеслі блізу 20 авіяўдараў па пазіцыях паўстанцаў-хусітаў.