Мінгандлю просіць крамы і кавярні папрацаваць без выходных

У траўні рэжым працы гандлёвых аб'ектаў і аб'ектаў сфэры паслуг можа быць падоўжаны.

Пра гэта charter97.org паведамілі ў прэс-службе Мінгандлю.

«Рэжым работы аб'ектаў можа быць падоўжаны паводле зручнага для спажыўца раскладу ў адпаведнасці з жаданнем суб'ектаў гаспадарання, у тым ліку без выходных і святочных дзён.

Для ўзгаднення падаўжэння рэжыму працы суб'ектам гаспадарання трэба звяртацца з заявай у адпаведныя тэрытарыяльныя выканаўчыя камітэты», - гаворыцца ў паведамленні.