Землятрус у Непале паменшыў вышыню Эверэста

«Рост» найвышэйшай горы свету паменшыўся прыблізна на цалю (2,54 сантыметра), кажуць навукоўцы.

Землятрус у Непале, той, што адбыўся 25 красавіка, паменшыў вышыню Эверэста. Пра гэта са спасылкай на звесткі адразу некалькіх груп навукоўцаў, піша «Корреспондент» са спасылкай на газету The Huffington Post.

Прынамсі, паводле звестак некамерцыйнага кансорцыума геафізічных даследаванняў UNAVCO, пасля катаклізму рост высокай горы свету зменшыўся на цалю (2,54 сантыметра). Высновы навукоўцаў заснаваныя на звестках еўрапейскага спадарожніка «Вартавы-1», які праходзіў над Эверэстам 29 красавіка.

У сваю чаргу супрацоўнік Аб'яднанага інстытута даследаванняў у галіне аховы навакольнага асяроддзя прафесар Роджэр Білхам страты ў вышыні вяршыні ацэньвае ў адзін-два міліметра. Затое, з ягоных звестак, горны масіў Анапурна, таксама размешчаны ў Гімалаях, вырас у выніку землятрусу на 20 сантыметраў.

Нямецкі аэракасмічны цэнтр таксама прыйшоў да высновы, што частка зямной паверхні ў раёне Катманду памерам 55 на 18 міль (прыкладна 88,5 на 29 кіламетраў, больш за 2,5 тысячы квадратных кіламетраў) паднялася на тры фута (каля 91 сантыметра) ад ранейшага ўзроўню.

Усе навукоўцы тлумачаць змяненне рэльефу паслабленнем напружання зямной кары пасля падземных штуршкоў.

Раней паведамлялася, што землятрус у Непале справакаваў сход лавіны на Эверэсце. Загінулі прынамсі 65 альпіністаў, целы 18 з іх выяўленыя. Яшчэ каля тысячы чалавек заставаліся ў базавым лагеры на схіле.

У ліку загінулых - топ-менеджэр кампаніі Google Дэн Фрэдзінбург, які займаўся пытаннямі абароны ад несанкцыянаванага доступу ў лабараторыі найноўшых распрацовак Google X.