На праспекце Дзяржынскага ў Менску сутыкнуліся Nissan і пасажырскі аўтобус

Аварыя адбылася сёння а 07:30 на скрыжаванні праспекта Дзяржынскага і вуліцы Ясеніна.

Сітуацыя для горада банальная: канфлікт левага павароту прывёў да сутыкнення рэйсавага аўтобуса МАЗ і легкавога аўтамабіля Nissan Sunny. Відавочцы ДТЗ падзяліліся на два лагеры, і пакуль не ясна, хто менавіта вінаваты ў здарэнні. Пра наяўную на гэты момант інфармацыю onliner.by паведаміла старшая інспектарка агітацыі і прапаганды ДАІ Маскоўскага раёна Любоў Трапашка.

Кіроўца аўтобуса 114-га маршруту ехаў па праспекце Дзяржынскага з боку МКАД і выконваў левы паварот на вуліцу Ясеніна. У салоне былі пасажыры. А Nissan Sunny рухаўся па праспекце Дзяржынскага па прамой з боку вуліцы Касманаўтаў у напрамку кальцавой.

Далей паказанні відавочцаў і ўдзельнікаў ДТЗ разыходзяцца.

Адны сцвярджаюць, што кіроўца Nissan, каб абагнаць паток, звярнуў у крайні правы бок, адкуль дазволены рух толькі направа, а сам паехаў прама. У выніку ён рэзнуўся ў бок аўтобуса, што збочваў.

Кіроўцы, якія рухаліся па праспекце Дзяржынскага ў тым жа кірунку, што і Nissan, кажуць пра тое, што ўжо пачалі рух на зялёны сігнал святлафора, а аўтобус толькі з свой заканчываў манеўр.

У ДАІ падкрэсліваюць, што інфармацыя будзе ўдакладняцца, канчатковыя высновы пакуль рабіць рана.

У выніку ДТЗ пацярпеў кіроўца Nissan. Мужчыну 1987 года нараджэння забрала хуткая. Папярэдне ў яго дыягнаставаны пералом калена, чэрапна-мазгавая траўма сярэдняй ступені, удары і раны.

Кіроўца аўтобуса (мужчына 1981 года нараджэння), а таксама яго пасажыры не пацярпелі.

У аўтобуса пашкоджаная бакавыя частка, у Nissan моцна пабіты перад.