За трансфер Івана Маеўскага «Анжы» заплаціў «Завішэ» мільён еўраў

Махачкалінскі «Анжы» заплаціў польскай «Завіше» за трансфер паўабаронцы зборнай Беларусі Івана Маеўскага мільён еўраў.

Пра гэта піша «Прессбол» са спасылкай на Express Bydgoski.

Уладальнік клуба з Быдгошчы Радаслаў Осух не стаў каментаваць інфармацыю пра суму, аднак адзначыў, што атрыманыя грошы ад продажу беларуса дапамогуць «Завішэ» захаваць некалькіх гульцоў.

Нагадаем, у чэрвені стала вядома, што паўабаронца зборнай Беларусі Іван Маеўскі прадоўжыць кар'еру ў Махачкалінскім «Анжы».