Маліну з Беларусі не пусцілі ў Расею

Спецыялістамі аддзела каранціннага фітасанітарнага кантролю Рассельгаснагляду на расейска-беларускай мяжы не была прапушчаная партыя свежай маліны.

Пра гэта сайту charter97.org паведамілі ў прэс-службе Рассельгаснагляду.

Паўтоны маліны не дазволілі завезці праз высокую фітасанітарную рызыку і адсутнасць фітасанітарнага сертыфікату, які сведчыць пра паходжанне падкаранціннай прадукцыі і адсутнасць каранцінных для Расейскай Федэрацыі аб'ектаў.

Прадукцыя прызначалася для рэалізацыі на рынках Санкт-Пецярбурга.

Груз вернуты на тэрыторыю Рэспублікі Беларусь.