Алеся Чаркашына пахаваюць 1 верасня ў Берасці
21- 33,132
Цела загінулага ва Украіне беларуса Алеся Чаркашына прывязуць у Берасце позна ўвечары 31 жніўня.
Пра гэта распавёў «Радыё Свабода» актывіст аргкамітэта для стварэнні партыі «Беларуская хрысціянская дэмакратыя» Зміцер Шурхай.
Мяркуецца, што пахаванне пройдзе ў аўторак, 1 верасня. Мясцовыя актывісты займаюцца пошукам месца на могілках і падтрымліваюць кантакт з маці Алеся Чаркашына.
Берасцеец быў паранены ў баі пад Белакаменкай на Данбасе і памёр у шпіталі ў Запарожжы пасля некалькіх тыдняў комы. Ён ваяваў пад сігналам «Тарас» у тактычнай групе «Беларусь» у складзе Добраахвотнага ўкраінскага корпуса «Правага сэктару».