Новы беларускі турызм: у Варшаву і Вільню па лекі

Выбар лекаў у беларускіх аптэках задавальняе далёка не ўсіх.

Многія купляюць таблеткі, кроплі і мікстуры за мяжой. Чытачы kp.by распавялі, чаму вязуць лекі з замежных паездак.

- Калі ў мамы выявілі дыябет, ёй выпісалі лекі для зніжэння цукру. Прэпарат ёсць нават у райцэнтры, дзе яна жыве, - усё добра, а эфекту не было, - распавядае Марына. - Угаварыць маму яшчэ раз ехаць да лекара з той жа нагоды немагчыма. І тут знаёмы лекар параіў паспрабаваць аўстрыйскі прэпарат, які можна было на той момант купіць у Вільні. Там нам яго спакойна прадалі без рэцэпту. Праўда, кошт кусаецца - блізу 20 еўра за ўпакоўку. Затое цукар у мамы перастаў расці. Праз паўгода гэты ж прэпарат знайшлі ў Маскве, дзе купляем у 4 разы танней. У Расеі, калі курс даляра падняўся, кошты на лекі ў рублях змяняць не сталі, таму пакуль нам гэта выгадна.

Ірына таксама купляе лекі для мамы, але ўжо ў далёкім замежжы і паводле рэцэпта, які, як высветлілася, трэба паказваць не толькі ў аптэцы.

- Маме выпісалі нямецкі прэпарат ад ціску, які падышоў ёй па ўсіх індывідуальных паказчыках. Хто прымае лекі ад гіпертаніі, ведае, наколькі цяжка яго бывае падабраць, - распавядае Ірына. - Але купіць яго ў Менску было ўсё складаней і складаней: спачатку ён быў у адзінкавых аптэках, потым пачаліся перабоі з пастаўкамі, затым ён наогул знік. Паспрабавалі памяняць на іншы аналагічны прэпарат - з'явіліся пабочныя эфекты.

Знайшла гэтыя лекі ў Польшчы практычна тым жа коштам - блізу 20 даляраў - і купіла без праблем паводле нашага беларускага рэцэпта. Толькі мне ніхто не сказаў, што рэцэпт можа спатрэбіцца на мяжы. Супрацоўнік мытні, убачыўшы лекі, сказаў, яго дзейнае рэчыва - з ліку абмежаваных да перамяшчэння праз мяжу. Але па двух упакоўка відавочна было відаць, што вязем яго для сябе, таму ніхто нічога ў мяне не канфіскаваў. Толькі параілі ў наступны раз везці лекі праз мяжу з копіяй рэцэпту, што я цяпер і раблю.

Аляксандры ўдалося купіць без рэцэпту ў Літве рэцэптурныя лекі.

- Лекар выпісаў трохгадоваму дзіцяці лекі ад астмы. Але ў тых аптэках, дзе мы маглі атрымаць яго бясплатна, як гэта належыць дзецям такога ўзросту, леку не было. Нам прапанавалі замовіць прэпарат і пачакаць некалькі дзён. У камерцыйных аптэках мы яго знайшлі за 300 - 400 тысяч рублёў, - распавядае Аляксандра. - Як раз у гэты час сябры ездзілі ў Вільню, дзе і купілі гэты прэпарат. Рэцэпту там не запатрабавалі. І кошт апынуўся нашмат ніжэйшы - прыкладна 120 тысяч на нашы грошы. Для тых, хто яго купляе не па льготных рэцэптах, думаю, гэта істотна.

А гомеапатычныя французскія лекі ад прастуды я ўжо сама купляла па рэцэпце ў Польшчы, папярэдне даведаўшыся кошты. У нас адна яго ўпакоўка каштуе амаль 10 даляраў, а там удвая менш.

З гэтай жа нагоды купляе ў Польшчы імпартнае лякарства ад алергіі для сына і Марыя:

- Пералічыўшы на валюту там яно каштуе 2 даляры, у нас - 10. А вось у аптэцы ў Бэрліне аэразоль з тым жа дзейным рэчывам апынуўся нашмат даражэйшы. Наш рэцэпт у Польшчы прымаюць без праблем, - кажа яна.

Дарэчы, сітуацыі могуць быць розныя. Вядомыя выпадкі, калі ў аптэцы ў Беластоку або Бяла Падлясцы беларусы без праблем куплялі лек, нават калі ў рэцэпце ён быў напісаны па-расейску, а на варшаўскім вакзале ў аптэцы адмаўляліся прадаць прэпарат, запісаны на латыні. Праверана: сэнсу намагаць у такім выпадку няма. Лепш знайсці іншую аптэку.

У Еўропе маса аптэк, дзе можна купіць і вітаміны, і касметыку, і духі, а яшчэ і частку грошай вернуць.

- Я заўсёды купляю ў Польшчы імпартныя вітамінныя комплексы. Яны там каштуюць танней, чым у нас, - кажа Любоў. - Да прыкладу, упакоўку прэпарата з магніем я купляю за 17 злотых - гэта нашы 85 тысяч рублёў. У пачку 50 таблетак. У нас жа больш за 100 тысяч рублёў каштуе 30 таблетак гэтага прэпарата.

А яшчэ ў Польшчы ёсць аптэкі, якія афармляюць такс-фры. Так што частку сваіх грошай яшчэ потым можна вярнуць. Набраць патрэбную для гэтага суму не праблема - асартымент лекамі не абмяжоўваецца. Тут і крэм купіш, і туалетную ваду, і шампунь.

- Пляменніца дэрматолаг парэкамендаваў лячэбны ірландскі шампунь ад себарэйнага дэрматыту: маўляў, толькі ён і можа дапамагчы, - распавяла Надзея. - На той момант у нашых аптэках яго не было, і лекар сумленна раіў папрасіць каго-небудзь са знаёмых, хто едзе ва Украіну, купіць яго там. Нядаўна ўбачыла гэты шампунь у нашай аптэцы. Амаль 300 тысяч рублёў. А ў Кіеве блізу 70 тысяч. Вось паедуць сябры ў Кіеў - зробім замову.

Тры пытанні пра беларускія рэцэпты за мяжой

1. Што павінна быць у рэцэпце, паводле якога можна купіць лекі за мяжой?

Назва лека, напісаная на латыні; доза; колькасць; форма; пячатка медыцынскай установы і лекара.

2. У якіх краінах прасцей купіць лекі паводле беларускага рэцэпта?

У Расеі, Украіне, Літве, Польшчы.

У Нямеччыне, як і ў іншых краінах ЕЗ, у звычайных аптэках, як правіла, прымаюць толькі рэцэпты, выпісаныя ў Еўразвязе. Замежныя рэцэпты могуць прыняць у «Міжнародных аптэках» (Internationale Apotheke), якія ёсць у буйных еўрапейскіх гарадах.

3. Як правільна завезці ў Беларусь прэпарат, куплены за мяжой?

Дазволеныя да ўвозу лекавыя сродкі (наркатычныя сродкі і псіхатропныя рэчывы забароненыя) павінны знаходзіцца ў завадской упакоўцы.

Зрабіце копію рэцэпту. Яе вы пакажаце на мяжы мытнікам, калі падчас праверкі вашага багажу яны зацікавяцца лекамі. Арыгінал рэцэпту вы пакінеце ў аптэцы. Хтосьці для большай пераканаўчасці вязе з сабой і копіі кансультатыўных заключэнняў лекараў, але гэта не абавязкова.

Як сказаць лекару, каб ён выпісаў рэцэпт, па якім лекі прададуць за мяжой, - гэта значыць каб ён указаў міжнародныя назвы дзейнага рэчыва?

- Так і скажыце. Пры выпісцы рэцэптаў мы кіруемся пастановай №66 Міністэрства аховы здароўя. А яно дазваляе выпісваць лекі, якія прадаюцца за поўны кошт, як па гандлёвай назве (тая, пад якой выпускае канкрэтны вытворца), так і па міжнароднаму непатэнтаванай, як айчыннай, так і імпартнай вытворчасці, - кажа тэрапеўт раённай паліклінікі Зоя Захарава. - Да прыкладу «гэты прэпарат мне не падыходзіць, а гэты падыходзіць» пацыент звычайна прыходзіць з уласным досведам. І калі ён ведае, што яму дапамагаюць канкрэтныя лекі, і згодны за іх плаціць любыя грошы, я яму яго выпішу. Калі, вядома, гэты прэпарат зарэгістраваны ў нас у Беларусі. Для лекара галоўнае - дапамагчы чалавеку.

Электронныя рэцэпты, укараненне якіх ужо пачалося ў Беларусі, могуць пакласці канец пакупкам рэцэптурных прэпаратаў за мяжой. Калі толькі аптэкі і паліклінікі розных краін не аб'яднаюцца ў адну глабальную сетку. Але на першапачатковым этапе ў нас нават не ўсе аптэкі гатовыя да гэтага новаўвядзення, і электронныя рэцэпты прымаюцца толькі ў сетцы «Белфармацыя». Да таго ж яны пакуль дублююцца і на паперы.

Чаму ў нас лекі даражэйшыя?

У аптэках Польшчы, паводле звестак Польскай палаты фармацэўтаў, максімальная гандлёвая надбаўка на лекі ў аптэках - 16%, у Літве - 14%. У Беларусі яна можа даходзіць да 30% (згодна з указам прэзідэнта №366 ад 11.08.2005 года). Але, як удакладнілі ў РУП «Белфармацыя», памер гандлёвых надбавак залежыць ад адпускнога кошту вытворцы, пералічаны ў далярах ЗША. То бок, калі аптэка купіла прэпарат, калі даляр каштаваў 12 тысяч рублёў, то гандлёвая надбаўка, прывязаная да гэтых лічбаў, будзе адна, а калі курс пры закупцы лека быў ужо 20 000, то і надбаўка ў беларускіх рублях, адпаведна, вышэйшая.