Аб Пуціне і дымным авіяносцы

Грошы федэральнага бюджэту Расеі будуць марнавацца на старую дымную кансервавую банку, але не на патрэбы грамадзян.

«Другі дзень дабіраюся да дома паўтара кіламетра пешшу па гурбах», - піша расейскі праваабаронца, старшыня праваабарончага грамадскага руху «Разам» Яўген Дамажыраў у блогу на «Эхо Москвы».

Адбываецца гэта ўжо чацвёрты год і ў кожны снегапад або завіруху.

Раней хаця б да вечара чысцілі. Цяпер час не той, бюджэт спусташаецца ўсё больш, вунь, у абласной сталіцы і тое са снегападам справіцца не могуць. Дарогі не чысцяць, коркі велізарныя. Добра вядомае яшчэ пры папярэднім кіраўніку горада мільярднымі сумамі кантрактаў, ТАА «Магістраль» кіруе.

У гэты ж час прэзідэнт Пуцін пачаў, фактычна, выбарчую кампанію для абрання сябе на чацвёрты (ён жа пяты) тэрмін.

І я разумею, што Пуцін да нас у Траецкае не прыедзе, а калі прыедзе ў Волагду, то да яго прыезду вычысцяць роўна тры вуліцы. І ні юраўскі Рускіх, ні гразавецкі Лупандзін, ні губернатар Куўшыннікаў не вінаватыя, што Пуцін будзе марнаваць грошы федэральнага бюджэту на старую дымную кансервавую банку, з якой падаюць самалёты коштам дзесяць гадавых бюджэтаў раёна.

Гэтую састарэлую пасудзіну пакажуць па тэлевізары з прыгожым каментаром Ірады Зейналавай, а бабулі ў забытых богам нячышчаных ад снегу вёсках будуць слухаць пра веліч краіны. А камусьці з іх, калі пашанцуе, адной на мільён, будуць потым збіраць грошы на дровы. На гэтым самым канале Ірады Зейналавай.