Беата Шыдла: У Польшчы павінны знікнуць сімвалы камунізму
9- 1.04.2016, 16:55
- 10,500
Прэм'ер-міністр Польшчы заявіла, што дэмантаж савецкіх помнікаў неабходны. Пры гэтым месцы пахавання савецкіх жаўнераў будуць годна ўвекавечаныя.
«З польскай грамадскай прасторы павінны знікнуць сімвалы камунізму», - заявіла 1 красавіка прэм'ер-міністр Польшчы Беата Шыдла, паведамляе Polskie Radio.
Пры гэтым яна падкрэсліла, што месцы, звязаныя з памяццю пра савецкіх жаўнераў, будуць увекавечаныя годным чынам.
Кіраўніца польскага ўраду адзначыла, што цяпер прадаўжаецца інвентарызацыя савецкіх помнікаў: «Гэта ўваходзіць у кампетэнцыю органаў мясцовага самакіравання. Толькі цяпер распрацоўваецца кантэкст цэлай сітуацыі. З польскай грамадскай прасторы павінны знікнуць сімвалы камунізму - гэта цалкам натуральна і нармальна. Я думаю, што многім польскім грамадзянам здаецца абуральным тое, што гэтыя знакі застаюцца так доўга яшчэ ў многіх месцах»xd.
«Месцы, звязаныя з загінулымі савецкімі жаўнерамі, будуць годным чынам увекавечаныя, а могілкі будуць перанесеныя туды, дзе павінны знаходзіцца», - сказала прэм'ер Польшчы.
Нагадаем, што 31 сакавіка дырэктарка польскага Інстытута нацыянальнай памяці Лукаш Камінскі заявіў, што ІНП дамагаецца зносу больш за 500 савецкіх помнікаў у Польшчы.
Адзначым, што прадстаўніца МЗС Расеі Марыя Захарава 31 сакавіка заявіла, што Масква патрабуе «захавання сапраўднай гісторыі і яе сімвалаў» і адрэагуе на магчымыя дзеянні польскіх уладаў.