Фотафакт: Пустыя паліцы ў гіпермаркеце Чыжа ProStore
25- 7.04.2016, 18:31
- 40,117
У гандлёвай сеткі ProStore, відавочна, прадаўжаюцца праблемы з напаўненнем крам таварам.
Сёння БелаПАН наведаў гіпермаркет ProStore у сталічнай Каменнай горцы і сутыкнуўся з пустымі паліцамі.
Такое ў крамах сеткі назіраецца з сакавіка, калі ў сеткі ўзніклі праблемы з выплатай запазычанасцяў перад некаторымі пастаўшчыкамі, якія, у сваю чаргу, абмежавалі або зусім спынілі пастаўкі новых партый тавараў.
Нагадаем, гандлёвая сетка ProStore уваходзіць у групу кампаній «Трайпл», кіраўнік якой цяпер знаходзіцца пад вартай паводле абвінавачвання ва ўхіленні ад выплаты падаткаў.
Паводле чутак, сетку ProStore збіраецца набыць кампанія «Тытунь-інвест», якая належыць буйному бізнэсоўцу Паўлу Тапузідзісу. У кампаніі ёсць уласная гандлёвая сетка пад брэндам «Карона».