Заўтра ў Беларусі будзе 26 градусаў

Кароткачасовыя дажджы і навальніцы чакаюцца ў аўторак.

30 жніўня ў Беларусі будзе воблачна з праясненнямі. Уначы ў цэнтральных і ўсходніх раёнах, удзень на большай частцы тэрыторыі краіны пройдуць кароткачасовыя дажджы, месцамі магчымыя навальніцы, паведамляе pogoda.by.

Вецер прагназуецца паўднёва-заходні з пераходам на паўночна-заходні 5-10 м/с, пры навальніцах парывы будуць дасягаць да 14 м/с.

Тэмпература паветра ўначы складзе 12-18 градусаў вышэй за нуль, удзень чакаецца 17-23 градусаў цяпла, на паўднёвым усходзе ўначы будзе плюс 19 - 21 градусаў, удзень - 24-26 градусаў цяпла.