У Беларусі абвешчана штармавое папярэджанне

Праз замаразкі.

Штармавое папярэджанне пра небяспечную гідраметэаралагічную з'яву апублікаваў Белгідрамет.

Уначы 20 красавіка месцамі па краіне, а таксама ў наваколлях Менска і па большай частцы Віцебскай вобласці чакаюцца замаразкі да -3°С.

У суботу будзе воблачна з праясненнямі, паведамляе метэасэрвіс pogoda.by. Уначы месцамі, раніцай і днём на большай частцы тэрыторыі краіны пройдуць дажджы. Днём у паўднёва-ўсходніх раёнах магчымыя моцныя дажджы.

Максімальная тэмпература паветра днём складзе ад +7 да +13°С.

У нядзелю ўмовы надвор'я пагоршыць цыклон, які перамяшчаецца з Бранскай вобласці Расеі на ўсход Беларусі. Сіноптыкі абяцаюць воблачнае надвор'е. На большай частцы тэрыторыі краіны пройдуць дажджы і мокры снег. У асобных раёнах чакаюцца моцныя ападкі.

Максімальная тэмпература паветра днём: ад +3°С па паўночным захадзе да +12°С па ўсходзе.