Лукашэнка рыхтуецца «рэгуляваць» крыптавалюту ў Беларусі

Укладанні і зберажэнні беларусаў пад пагрозай.

Аналагічныя Расеі законы адносна рынку крыптавалют могуць прыняць і ў Беларусі. У планах рэжыму наступнае:

- забарона майнінгу крыптавалют;

- забарона абарачэння крыптавалюты крыптаабменнікам, біржам і P2P-платформам;

- забарона фінансавым арганізацыям праводзіць аперацыі з крыптавалютай;

- адказнасць за аплату тавараў і паслуг крыптавалютай;

- стварэнне платформы для канфіскаванай крыптавалюты.

Як падкрэслівае чытач сайта Charter97.org Сяргей, не сакрэт, што Лукашэнка любіць капіяваць расейскую рыторыку:

- Таму ў пытанні «крыпты» паступаць будзе аналагічна. Калі ў вясновую сесію ў Дзярждуме РФ прымуць закон аб рэгуляванні абарачэння крыптавалюты, то да канца года, упэўнены, усё вышэйназванае з’явіцца на парадку дня і ў Беларусі.

Такім чынам узнікаюць не толькі рызыкі для прыватнасці і бяспекі звестак карыстальнікаў крыптавалютамі, але і магчымасць страціць свае зберажэнні/укладанні.