Еўрадэпутатка напісала Барэлю аб лёсе беларускіх палітвязняў
- 25.04.2024, 10:20
- 5,050
І заклікала ўвесці новыя санкцыі супраць рэжыму Лукашэнкі.
Еўрадэпутатка ад Партугаліі, «хросная» палітычнай зняволенай, актывісткі грамадзянскай кампаніі «Еўрапейская Беларусь» Паліны Шарэнды-Панасюк Ізабель Сантас напісала вярхоўнаму прадстаўніку ЕЗ у замежных справах Жазэпу Барэлю пра лёс беларускіх палітвязняў і заклікала ўвесці новыя санкцыі супраць рэжыму
- Сёння я накіравала ліст вярхоўнаму прадстаўніку і віцэ-прэзідэнту Еўракамісіі Жазэпу Барэлю з заклікам узмацніць санкцыі ЕЗ супраць Лукашэнкі і яго прыхільнікаў. Становішча палітвязняў у Беларусі не можа застацца незаўважаным.
Паліна Шарэнда-Панасюк застаецца ў зняволенні без надзеі на яе вызваленне, нягледзячы на тое, што ў траўні скончыцца яе трэці турэмны тэрмін. Праз бесчалавечнае абыходжанне ў беларускіх турмах загінулі восем палітвязняў.
Яшчэ адзін дзень, страчаны ў барацьбе за свабоду, можа быць фатальным для кожнага з іх.
Enviei hoje uma carta ao Alto Representante e Vice-Presidente da Comissão Europeia, Josep Borrell Fontelles, a apelar à intensificação das sanções da UE contra Lukashenko e os seus apoiantes. A situação dos mais de 1300 presos políticos na Bielorrússia não pode passar em branco. pic.twitter.com/eNBS13EIVg
— Isabel Santos MEP (@isabel_mep) April 22, 2024
Актывістка грамадзянскай кампаніі «Еўрапейская Беларусь» Паліна Шарэнда-Панасюк зараз знаходзіцца ў калоніі ў гарадскім пасёлку Зарэчча (Гомельская вобласць). Паліна знаходзіцца ў поўнай ізаляцыі. У калоніі ў яе моцна пагоршылася здароўе.
Падтрымаць палітычную зняволеную можна на адрас: Паліна Сяргееўна Шарэнда-Панасюк, ПК № 24. 247526, вул. Вытворчая, 44, г. п. Зарэчча, Рэчыцкі раён, Гомельская вобласць.
