У менскім доме затапіла адразу дзесяць кватэр

Прарвала стаяк.

У доме №74 на вуліцы Альшэўскага ў Менску прарвала трубу. У выніку былі затопленыя блізу дзясятка кватэр на ніжніх паверхах, піша onliner.

Відавочцы расказваюць, што аварыйная служба доўга не магла трапіць у падвал, каб перакрыць ваду:

«Выклікалі МНС і міліцыю. Уваход у склеп давялося ўскрываць балгаркай. Адбывалася гэта ўсё дастаткова доўга, і пакуль ратавальнікі разбіраліся з замком на дзвярах склепа, людзі з пацярпелых кватэр вычэрпвалі ваду каўшамі і рондалямі, выліваючы ў ванны».

Супрацоўнікі службы 115 распавялі, што лопнула труба ЖЭС. З іх слоў, гаспадары кватэры, адкуль пачаўся патоп, не вінаватыя. У гэтай кватэры пражывае паджылая пара - мужчына і жанчына 70 гадоў.