Віктар Хрысценка: Мы не збіраемся асушыць «Дружбу»

Тэрміны пачатку будаўніцтва нафтаправода БТС-2 (Балтыйская трубаправодная сістэма–2) будуць залежаць ад выпрацоўкі рашэння аб канчатковых кропках гэтага нафтаправода, паведаміў журналістам міністр прамысловасці і энергетыкі РФ Віктар Хрысценка.

Паводле яго слоў, цяпер у ведамствах абмяркоўваецца варыянт будаўніцтва БТС-2 з двума канчатковымі кропкамі ў партах Прыморск і Усць-Лугу, аднак канчатковага рашэння пакуль яшчэ не прынятае.

Міністр таксама падкрэсліў, што рэалізацыя праекту БТС-2 звязанае з будаўніцтвам нафтаперапрацоўчых магутнасцяў у рамках гэтай трубаправоднай сістэмы.

У сувязі з нявырашанасцю гэтых пытанняў, тэхніка-эканамічнага абгрунтавання гэтага праекту пакуль не распрацаваная.

В.Хрысценка таксама падкрэсліў, што будаўніцтва БТС-2 не прывядзе да зачынення нафтаправода "Дружба". "Гэта (будаўніцтва БТС-2 - АНІ) не азначае, што мы збіраемся асушыць "Дружбу", яна будзе працаваць на 100%", – сказаў міністр.

Як паведамлялася, у канцы траўня ўрад ухваліў будаўніцтва БТС-2. У канцы жніўня былы кіраўнік "Транснафты" Сямён Вайншток даклаў прэзідэнту РФ, што кампанія завяршыла праектаванне БТС-2 і чакае ад урада "рашэння адносна напрамку і якасных характарыстык" новага трубаправода. Чакалася, што да канца года ўрад прыме інвестыцыйнае рашэнне аб будаўніцтве БТС-2.

Адначасова планавалася, што разам з нафтаправодам будзе пачатае будаўніцтва НПЗ у раёне Прыморску. Аднак, улетку гэтага года ААТ "Сургутнефтегаз" прапанавала замест будаўніцтва новага НПЗ павялічыць магутнасці Кірышскага НПЗ да 24 млн тон нафты.

Праект будаўніцтва новага трубаправода Унеча–Прыморск, які атрымаў палітычную падтрымку кіраўніцтва РФ, узнік падчас нафтавага канфлікту Расеі і Беларусі на пачатку студзеня 2007 года. Так, Расея з 8 па 11 студзеня не пастаўляла нафту ў Еўропу па нафтаправодзе "Дружба" з прычыны адмовы Беларусі прапускаць транзітныя патокі без выплаты расейскім бокам пошліны за транзіт сыравіны па беларускай тэрыторыі. Пасля падпісання адпаведнага расейска-беларускага міжурадавага пагаднення пастаўкі аднавіліся ў поўным аб'ёме.

У выпадку рэалізацыі праекту будаўніцтва БТС-2 магутнасць порта Прыморск можа павялічыцца з 75 млн тон да 150 млн тон у год. Праз Беларусь штогод транспартуецца да 80 млн тон расейскай нафты. Арыентавана кошт праекту – $2 млрд.