Уга «даследуе» парэшткі Балівара
- 18.12.2007, 14:39
Прэзідэнт Венесуэлы Уга Чавес заявіў пра неабходнасць ускрыць пахаванне і даследаваць парэшткі венесуэльскага нацыянальнага героя Сымона Балівара. Паводле дадзеных гісторыкаў, змагар за незалежнасць гішпанскіх калоній у Паўднёвай Амерыцы сканаў у 1830 г. ад сухотаў.
"Хто ведае, магчыма, парэшткі Балівара ўвогуле зніклі з пахавання? У нас ёсць маральнае права ведаць праўду, адкрыць гэтае святое пахаванне і праверыць сапраўднасць парэшткаў ", – сказаў У.Чавес у сваім выступе, прымеркаваным да чарговых угодкаў смерці С.Балівара. Ён прапанаваў "усталяваць ісціну з дапамогай аналізу ДНК".
Раней лічылася, што парэшткі С.Балівара пахаваныя ў Нацыянальным пантэоне ў Каракасе.
