З-за падтрымкі прадпрымальнікаў у апазыцыйнай партыі сканфіскавалі тэхніку

У штаб-кватэры АГП у Горадні адбыўся ператрус. Міліцыянты сканфіскавалі кампутар, ксэракс і друкаваныя выданьні.

Прычынай пературусу стала затрыманьне актывістаў АГП на рынку “Паўднёвы” у Горадні, дзе яны распаўсюджвалі ўлёткі з заклікамі страйку прадпрымальнікаў зь 1 лютага.

Як паведаміў «Радыё Свабода» адзін з затрыманых, Уладзімер Ларын, на іх спачатку склалі пратакол міліцыянты, а пасьля яшчэ вазілі на гутарку ў пракуратуру Кастрычніцкага раёна.