Банкет для тых, хто забяспечыў «перамогу»

Нечаканы працяг паседжання акруговай камісіі Мазырскай выбарчай акругі №42 прыйшлося назіраць Леаніду Арлову, аднаму з кандыдатаў у дэпутаты па гэтай акрузе, калі ён прыйшоў падаваць скаргу на вынікі выбараў.

"Паседжанне" акруговай камісіі, на якое не быў запрошаны толькі вылучэнец ад АГП А.П. Петухоў, праходзіла ў выглядзе фуршэта-банкета. Як высветлілася, арганізатарам "паседжання" з'яўляўся другі прэтэндэнт на дэпутацкае месца Арцюшэнка, які паводле агучаных акруговай камісіяй вынікаў набраў 65,7% галасоў выбаршчыкаў.

Новаспечаны дэпутат святкаваў сваю "перамогу" з тымі, хто забяспечыў яе. У працоўны час, у логаве мясцовай вертыкалі, парушаючы Дырэктыву № 1, паводле якой увесь астатні працоўны люд жорстка караюць, паведамляюць "Праваабаронцы за свабодныя выбары".