Дачка выкрадзенага ў Беларусі апазіцыянера правяла акцыю ў Гаазе (Фота)
1- 17.10.2008, 17:20
16 кастрычніка ў галандскім горадзе Гаага актывісты ініцыятывы «Мы памятаем» правялі акцыю салідарнасці з роднымі і блізкімі гвалтоўна зніклых беларусаў. Сярод удзельнікаў акцыі была дачка зніклага ў Беларусі бізнэсмэна і грамадскага дзеяча Анатоля Красоўскага – Валерыя Красоўская.
Мірная дэманстрацыя салідарнасці прайшла ля будынку беларускай амбасады з 14:00 да 15:00 па мясцовым часе. Яе ўдзельнікі трымалі расцяжку з партрэтамі Юрыя Захаранкі, Віктара Ганчара, Анатоля Красоўскага, Зміцера Завадскага і подпісам «Гвалтоўна зніклі ў Беларусі». Мінакі выказвалі сваю падтрымку ўдзельнікам акцыі.
