Януковіч прапанаваў падвысіць плату за расейскі Чарнаморскі флот
4- 23.10.2008, 9:48
Лідэр украінскай Партыі рэгіёнаў Віктар Януковіч заявіў аб неабходнасці падвысіць плату за знаходжанне Чарнаморскага флота РФ на тэрыторыі Ўкраіны.
Як паведамляе РИА Новости, з падобнай заявай Януковіч выступіў упершыню.
Раней Януковіч крытыкаваў палітычных апанентаў за пагаршэнне адносін з Масквой, але зараз сказаў, што кошт арэнды трэба падвышаць, таму што "такіх коштаў цяпер ужо няма".
Прапановы аб падвышэнні платы гучалі на Ўкраіне неаднаразова, у прыватнасці, з боку прэзідэнта Віктара Юшчанкі. У цяперашні час Расея штогод плаціць за базаванне свайго флота ў Крыму каля 100 мільёнаў даляраў. У Маскве лічаць, што падставаў для падвышэння платы няма.
