Аварыя на «зачараваным» участку Менскай кальцавой дарогі (Відэа)
6- 9.10.2008, 11:09
Як паведамілі прэс-цэнтру Хартыі’97 кіроўцы-відавочцы здарэння, сёння раніцай паміж выездам на кальцавую дарогу з вуліцы Прытыцкага і рынкам «Ждановічы» адбылася буйная аварыя, якая стала прычынай «коракаў» на дарозе.
Як паведамляюць відавочцы, спачатку адбылося сутыкненне 8 аўтамабіляў. Праз 200 метраў ад месца аварыі сутыкнуліся яшчэ 7 аўтамабіляў. Такім чынам, па падліках кіроўцаў, усяго пацярпелі 15 машын. Аб ахвярах сярод кіроўцаў і пасажыраў пакуль нічога не вядома.
Раней на гэтым жа ўчастку дарогі неаднаразова здараліся буйныя аварыі. Кіроўцы ўжо завуць яго «зачараваным».
