Барадзін: «Уся Еўропа ўвойдзе ў склад «саюзнай дзяржавы», а сталіца будзе ў Менску»
36- 9.10.2008, 11:37
«Усё, што я кажу, усё спраўджваецца. Уся Еўропа ўвойдзе ў склад «саюзнай дзяржавы», ну а сталіца будзе ў Менску – гэта цэнтр Еўропы», -- заявіў дзяржаўны сакратар «саюзнай дзяржавы» Павел Барадзін, знаходзячыся з візітам у Менску.
Пытанне прыняцця адзінага аплатнага сродка ў «саюзнай дзяржаве» можа быць вырашанае на працягу 1-2 гадоў, лічыць Барадзін. Ён растлумачыў, што сёння Беларусь і Расея – адзіная эканамічная прастора, што пацвярджае і заканамерны працэс стварэння Мытнага саюза Беларусі, Расеі і Казахстана. І тым не менш, дзвюм краінам важна праводзіць выразную коштавую і фінансава-крэдытную палітыку.
Чыноўнік таксама нагадаў, што існуе ідэя стварэння транснацыянальнага транспартнага калідора, які злучыць Еўропу і Азію. Барадзін лічыць, што сусветная эканоміка ўсё роўна ўсіх злучае. «У нас розныя рэлігіі, але мы жывем на адной планеце, і мы павінныя садзіцца і дамаўляцца», – сказаў ён.
