З Сьветлагорску не выпусьцілі два аўтобусы з прадпрымальнікамі

У Сьветлагорску дзяржаўтаінспэктары ня выпусьцілі ў Менск два аўтобусы, замоўленыя прадпрымальнікамі.

Пра гэта “Радыё Свабода” паведаміў старшыня каардынацыйнай рады індывідуальных прадпрымальнікаў краіны Анатоль Зьмітровіч, які жыве й працуе ў Сьветлагорску:

“Аўтобус ня выехаў ні адзін, ні другі, бо ДАІ забараніла выяжджаць. Калі коратка: напалохалі людзей, якія зьбіраліся везьці прадпрымальнікаў на марш. Мы хадзілі гурбою ў міліцыю высьветляць, у чым справа. Але ніхто да нас ня выйшаў.

Тым ня менш прадпрымальнікі знайшлі выйсьце, і ўсё, хто зьбіраўся, выправіліся ў Менск. І я таксама”.