Фабрыка «Світанак» пераходзіць на 4-дзённы працоўны тыдзень
2- 18.12.2008, 9:40
Замест навагодніх вакацыяў працаўнікі розных жодзінскіх прадпрыемстваў атрымаюць неаплачаныя адпачынкі. А на ААТ «Світанак» рыхтуюцца да 4-дзённага працоўнага тыдня.
Кіраўніцтва швейна-трыкатажнай фабрыкі абвесціла працаўнікам, што такія змяненні ўводзяцца з Новага года, паведамляе сайт zhodzina.info. Тлумачыцца гэтая мера фінансавымі праблемамі з-за эканамічнага крызісу.
Такім чынам, з Новага года працаўнікі "Світанка" будуць губляць да 20% ад сваіх заробкаў. У дадатак да гэтага кіраўніцтва фабрыкі "прапанавала" працоўным узяць неаплачаны адпачынак за свой кошт на 3 дні перад Новым годам.
Дарэчы, на РУПП "БелАЗ" на днях працаўнікам таксама прапанавалі запоўніць формы заяваў на неаплачаны адпачынак на 2 дні перад навагоднімі святамі.
