Кошт на нафту можа падаць да $20 за барэль у 2009 годзе
12- 5.12.2008, 9:58
Кошт на нафту можа падаць да 20 даляраў за барэль у 2009 годзе на фоне глабальнай стагфляцыі, лічаць аналітыкі, апытаныя ў эфіры фінансавага тэлеканала CNBC.
Стагфляцыяй называюць стан эканомікі, калі застой або падзенне вытворчасці, або стагнацыя, спалучаюцца з нарастаючым беспрацоўем і з бесперапынным ростам коштаў (інфляцыяй).
"У цяперашняй эканамічнай сітуацыі кошты на нафту могуць падаць да 20-30 даляраў за барэль", - заявіў у прамым эфіры рэгіянальны дырэктар цэнтра Platts Дэвід Эрнсбергер.
Platts з'яўляецца адным з вядучых у свеце цэнтраў, якія займаюцца пастаўкай інфармацыі і прагнозаў на кошты ў энергетычным сектары.
З такім песімістычным прадказаннем пагадзіўся і гендырэктар гандлёвага аб'яднання Ray Barros Trading Group Рэй Барас.
Па ягоным меркаванні, першы квартал 2009 года будзе суправаджацца ў ЗША эканамічным застоем, абцяжараным дэфляцыяй.
Барас рэкамендуе скарачаць пазіцыі ў далярах і дзяржаблігацыях ЗША, робячы доўгатэрміновыя ўклады ў золата і сыравіну.
Наступнае падзенне коштаў на нафту робіць прывабнымі інвестыцыі ў энергетычны сектар Кітая, які выйграе ад скарачэння выдаткаў на сыравіну пры росце тарыфаў.
Аналітыкі CNBC лічаць, што на рынку сыравіны пайдзе ў гару попыт на ўран.
Адзін з вядучых аналітыкаў ЗША кіраўнік інвестфонда U.S. Trust Крыс Хайзі днём раней выказаў здагадку, то кошт на нафту ў студзені-сакавіку 2009 года замацуецца на адзнацы 40 даляраў за барэль.
