Ільля Богдан сустракае дзень народзінаў за кратамі

Сёньня спаўняецца 21 год актывісту Моладзі БНФ Ільлі Богдану, які зараз знаходзіцца ў ізалятары ў якасьці падазраванага па справе аб выбуху ў Менску 4 ліпеня.

Ільлю Богдана затрымалі ўвечары 10 ліпеня супрацоўнікі КДБ, правёўшы перад гэтым на ягонай кватэры ператрус, нагадвае “Радыё Свабода”.

Моладзевы актывіст нарадзіўся ў 1987 годзе ў Менску. Студэнт Беларускага інстытуту правазнаўства. Сябра Моладзі БНФ, актыўны ўдзельнік грамадзка-палітычных і масавых вулічных акцыяў. Аматар рыбалкі, любіць прыроду, цікавіцца электроннай музыкай.

Паплечнікі Богдана зьбіраюцца сёньня перадаць Ільлі ў ізалятар віншавальныя паштоўкі і кветкі.