Ірына Дарафеева замест Пекіна паедзе ў Кабылаўку

Ірына Дарафеева не паедзе на Алімпіяду ў складзе афіцыйнай беларускай дэлегацыі. Замест Пекіна спявачка выправілася ў традыцыйны тур па беларускіх вёсках.

Усё дзеля таго, каб палепшыць працоўны настрой працаўнікоў сельскай гаспадаркі ў часе уборачнай кампаніі. Амаль штодня спявачка будзе даваць па два канцэрты.

"Я еду ў тур "Пад мірным небам". Замест Алімпіяды еду ў свой штогадовы тур па Беларусі, працаваць для простых беларускіх людзей, для працаўнікоў сельгассектара", -- заявіла Дарафеева ў інтэрв'ю "Еўрарадыё".

Прапануем вам расклад тура спявачкі ў найбліжэйшыя дні.

30 ліпеня - СВК "Восходящая Заря", вёска Хідрыкі (Кобрынскі р-н);

30 ліпеня - Кобрын;

31 ліпеня - ААТ "Айчына", в. Кабылаўка, Пружанскі р-н;

31 ліпеня - Пружаны;

1 жніўня - СВК "Астрамечава", в. Астрамечава, Берасцейскі р-н;

1 жніўня - Берасце.

2 жніўня - СВК, Драгічынскі р-н.

2 жніўня - Драгічын…