За год «шкварка» у Беларусі падаражэла больш, чым «чарка»

Міністэрства статыстыкі і аналізу размясціла на сваім сайце афіцыйныя дадзеныя аб тым, як даражэлі прадукты.

Як паведамляе “КП у Беларусі”, са жніўня 2007 па жнівень 2008 падаражэлі:

алей - на 70,8%

масла сметанковае - на 34,6%

крупы і бабовыя - на 33,7%

малако і малочныя прадукты - на 31%

бульба - на 26,7%

cыр - на 25,5%

макароны - на 25,4%

мяса і мясапрадукты - на 17%

хлеб - на 15,1%

яйкі - на 13,2%

алкаголь - на 11,3%

Камуналка таксама сур'ёзна падрасла - аж на 38% (электраэнергія - на 30%, а газ на 90%).

Пры гэтым Мінстат вылічыў, што афіцыйна інфляцыя са жніўня па жнівень склала ўсяго толькі 16,2%.

Адзначым, што гэта толькі афіцыйныя дадзеныя. Паводле дадзеных незалежных экспертаў, інфляцыя ў Беларусі – у два разы большая.