Да ўвагі назіральнікаў: Ярмошына заклікае да датэрміновага галасавання

У суботнім выпуску газеты «Единство», заснавальнікам якой з'яўляецца Барысаўскі райвыканкам, на першай старонцы апублікаваная інфармацыя-зварот да выбаршчыкаў аб магчымасці датэрміновага галасавання.

Ніжэй прыводзіцца адказ старшыні ЦВК Лідзіі Ярмошынай на пытанне: наколькі шырока ў СНД і іншых краінах свету ўжываецца інстытут датэрміновага галасавання?

Як паведамляюць «Праваабаронцы за свабодныя выбары», у адказе Ярмошына сцвярджае, што «выходныя ў людзей – гэта святое, гараджане ў гэтыя дні раз'яжджаюцца. А прызначыць выбары на будзень, зрабіўшы яго выходным – гэтае занадта дарагое задавальненне».