Фотафакт. Як настаўнікаў выклікаюць да «дошкі»

У настаўніцкай слуцкай гімназіі № 1 адміністрацыя размясціла аб'яву з заклікам неадкладна прыняць удзел у датэрміновым галасаванні.

Аб'ява падпісаная Уладзімірам Яблачкіным, намеснікам дырэктара гімназіі па навучальнай працы.

Назіральнік Беларускага Хельсінкскага камітэта Віталь Амяльковіч захаваў факт парушэння артыкула 5 Выбарчага кодэкса на фатаздыках. Ён паведаміў аб гэтым Веры Багдановіч, старшыні ўчастковай выбарчай камісіі, якая размяшчаецца ў гімназіі. Праз некалькі гадзінаў аб'ява з настаўніцкай знікла.

Як стала вядома “Cалідарнасці”, у школах Слуцку ў перыяд датэрміновага галасавання праводзяцца бацькоўскія сходы. На іх сваякам вучняў прапаноўваюць прыйсці з пашпартамі, каб прагаласаваць датэрмінова.