На гандлі БВФБ курс даляра абнавіў гістарычны максімум і дасягнуў 2700 рублёў
2- 26.01.2009, 12:20
Па выніках гандлю замежнымі валютамі 26 студзеня на Беларускай валютна-фондавай біржы курс даляра ў адносінах да беларускага рубля склаў 2700 рублёў.
Такім чынам, ён павялічыўся на 5 рублёў у параўнанні з папярэднім значэннем, піша АФН.
Пры гэтым попыт на амерыканскую валюту на 15.398 млн. даляраў перавысіў прапанову. Аб'ём пагадненняў склаў 23.141 млн. даляраў, попыт — 23.141 млн., прапанова - 7.743 млн.
Курс еўра павялічыўся на 34 рублі і склаў 3495 рублёў за еўра, расейскага рубля - на 0,13 рубля і склаў 82.06 беларускіх рубля за адзін расейскі.
