У Беларусі пахаладае да мінус 27°С
7- 15.12.2009, 9:40
Гідраметцэнтр прадказвае ў хуткім часе значнае пахаладанне.
«У сераду і чацвер захаваецца ўплыў вельмі халоднага арктычнага антыцыклона, які перасоўваецца ўздоўж паўночных межаў Беларусі на цэнтральныя раёны Расеі. Чакаецца халоднае, з моцнымі начнымі маразамі надвор'е. Тэмпература паветра ўначы ў асноўным -13..-20°С, па паўночным усходзе месцамі да -22..-27°; удзень ад -10°С па паўднёвым захадзе да -18°С па паўночным усходзе», -- кажацца ў каментары дзяжурнага сіноптыка Рэспубліканскага Гідраметцэнтра Ларысы Воранавай.
16 снежня адбудзецца далейшае ўзмацненне маразоў. Тэмпература паветра ўначы -10..-17°С, па паўночным усходзе пры праясненнях да -20..-23°С, у паўднёва заходніх раёнах -6..-9°С; удзень -6..-13°С, па паўночным усходзе да -16°С.
