Лукашэнка зрабіў сабе вакацыі?

Адправіўшыся з працоўным візітам на нефармальны саміт у Казахстан, Аляксандр Лукашэнка, падобна, на працу так і не вярнуўся.

Яго калядныя «вакацыі», верагодна, праходзяць на казахскім горналыжным курорце, дзе і сустракаліся кіраўнікі краін АДКБ, пра што прэс-служба беларускага кіраўніка сціпла замоўчвае, адзначае «Белорусский партизан».

Прэс-служба Лукашэнкі спрабуе стварыць бачнасць прысутнасці першай асобы на працоўным месцы. Пачынаючы з 19 снежня, Лукашэнка не з'яўляецца на экране і нагадвае пра сябе толькі рознымі зваротамі. Так, за пяць дзён ён выдаў праз прэс-службу:

Віншаванне прэзідэнту Індыі з днём нараджэння;

Зварот да ўдзельнікаў аператыўнага сходу Узброеных сіл;

Віншаванне кардыёхірургу Леа Бакерыю з юбілеем;

Віншаванне японскаму Імператару з днём нараджэння;

Віншаванне прэзідэнту Азербайджана з днём нараджэння;

Віншаванне беларускім каталікам з Раством Хрыстовым.

Нагадаем, што Аляксандр Лукашэнка сёлета ўжо паспеў адпачыць на курортах Сербіі і Сочы.