«Народная газэта» адмовілася друкаваць артыкул Партыі БНФ пра крызыс
10- 10.02.2009, 8:14
Галоўны рэдактар дзяржвыданьня «Народная газэта» адмовіўся апублікаваць матэрыял Партыі БНФ «Пра крызыснае cтановішча ў беларускай эканоміцы».
23 студзеня Партыя БНФ накіравала звароты ў беларускія рэспубліканскія газэты з просьбаю апублікаваць зацьверджаную на апошнім Сойме Партыі БНФ Пазыцыі «Пра крызыснае тановішча ў беларускай эканоміцы», піша старонка pbnf.org.
Такія звароты былі накіраваныя ў газэты «Советская Белоруссия», «Рэспубліка», «Звязда», «Народная газэта», «Вечерний Минск» і рэспубліканскія і рэгіянальныя газэты.
9 лютага прыйшоў адказ ад галоўнага рэдактара газэты В.В. Андрыевіча «Народная газета», якая адмовілася публікаваць матэрыял, спаслаўшыся на артыкул 35 Закону Рэспублікі Беларусь «Аб друку і іншых сродках масавой інфармацыі», згодна зь якім «рэдакцыі па сваім рашэньні адбіраюць і публікуюць адрасаваныя ім лісты. Ніхто ня мае права абавязаць рэдакцыю публікаваць адхіленыя ёю матэрыялы».
На мінулым тыдні друкаваць пазыцыю Партыі БНФ «Пра крызыснае тановішча ў беларускай эканоміцы» адмовілася віцебская газэта «Віцьбічы».
