Інфармацыя аб запасах у Беларусі ўрана будзе дзяржаўнай таямніцай
9- 16.02.2009, 15:10
Зацверджаны пералік стратэгічных карысных выкапняў, звесткі аб рэсурсах, балансавых запасах і аб'ёмах здабычы якіх з'яўляюцца дзяржаўнай таямніцай.
Адпаведнае рашэнне ўтрымліваецца ў пастанове Савета міністраў ад 4 лютага 2009 года № 149, паведамляе БелТА.
Сакрэтнымі абвешчаныя звесткі аб рэсурсах, балансавых запасах і аб'ёмах здабычы дыяментаў, берылія, золата, ліція, ніёбія, паладыя, плаціны, рудаў рэдказямельных элементаў, срэбра, тантала, урана, цырконія.
Як патлумачылі ў Міністэрстве прыродных рэсурсаў і аховы навакольнага асяроддзя Беларусі, пералік гэтых відаў карысных выкапняў сфармаваны ва ўвязцы з новым Кодэксам аб нетрах, які ўступіў у сілу з 1 студзеня 2009 года.
Акрамя таго, вызначаны пералік рэдказямельных элементаў, звесткі аб вытворчасці, набыцці, перапрацоўцы і захаванні якіх складаюць дзяржаўную таямніцу Беларусі. Пералік уключае гадаліній, гольмій, дыспрозій, эўропій, ітэрбій, лантан, лютэцый, неадым, празеадым, праметый, самарый, тэрбій, тулий, цэрый і эрбій.
