Улады прыступаюць да экспрапрыяцыі жылля ў камерсантаў
29- 26.02.2009, 10:00
Менгарвыканкам запытаў у забудоўшчыкаў дадзеныя аб нерэалізаваным камерцыйным жытле.
«Накіроўваюцца афіцыйныя запыты ў арганізацыі з просьбай падаць гэтыя звесткі», - распавялі «Інтэрфаксу» у Менгарвыканкаме.
У камітэце паведамілі, што ў Менску дзейнічаюць каля 50 такіх арганізацый і будуецца вялікая колькасць камерцыйнага жылля.
Суразмоўцы распавялі, што ў цяперашні час інфармацыі аб вольных кватэрах у камерцыйных жылых забудовах Менгарвыканкам не мае. Пры гэтым у камітэце заўважылі, што гэтыя дадзеныя могуць быць расцэненыя як прадмет камерцыйнай тайны.
У Менгарвыканкаме таксама адзначылі, што ў цяперашні час «другасны рынак жылля стаіць: угод практычна няма». І дадалі, што падобная сітуацыя назіраецца і на першасным рынку.
Як заўважылі ў Менгарвыканкаме, сёння няма механізму, які б дазволіў выключыць непрададзенае камерцыйнае жыллё. Суразмоўцы гэтак жа растлумачылі, што для гэтага запатрабуецца прыняцце рашэння, якое змяняе існуючую прававую базу.
Па дадзеных камітэта, у цяперашні час кошт на камерцыйнае жыллё на рынку складае прыкладна па $1200-1300 за 1 кв.м.
Нагадаем, што 24 лютага Лукашэнка запатрабаваў, каб прадстаўнікі недзяржаўнага сектара рэалізавалі ў першым квартале ўсё пабудаванае камерцыйнае жыллё.
«Мы прымусім бізнэс прадаць пабудаванае жыллё. Калі бізнэсмэны на працягу першага квартала не рэалізуюць гэтыя плошчы, то мы іх выключым і аддадзім чаргавікам. І няхай радуюцца, калі мы ім заплацім па сабекошце», - заявіў беларускі кіраўнік падчас візіту ААТ «Менскі маторны завод».
Па ягоных словах, «насельніцтва чакае танных крэдытаў, каб купіць жыллё. А бізнэсмэны чакаюць, што дзяржава зараз укіне велізарную колькасць грошай, і яны ізноў па 2-3 тысячы даляраў за квадратны метр будуць прадаваць гэтае жыллё. Гэтага не будзе. Мая парада бізнэсмэнам - сёння трэба жыллё прадаваць блізка да сабекошту».
Як адзначыў Лукашэнка, «усе губернатары, мэры гарадоў гэта чуюць і гэтае патрабаванне будзе рэалізаванае».
Патрабаванні Лукашэнкі сапраўды пачулі, што даказвае цікавасць Менгарвыканкама да нерэалізаванага камерцыйнага жылля.
