12 сакавіка ў свеце адзначаць Дзень барацьбы з цэнзурай у інтэрнэце (Відэа)

Сусветны дзень барацьбы з лічбавай цэнзурай заснавала праваабарончая арганізацыя «Рэпарцёры без меж». Гэтым разам дзень плануецца адзначыць дакладам аб стане свабоды ў Інтэрнэце па ўсім свеце.

Акрамя таго, міжнародныя праваабарончыя групы звярнуліся да карпарацый Google, Yahoo! і Microsoft з заклікам не падвяргаць цэнзуры дзейнасць пошукавых сістэм на працягу 12 сакавіка.

«Гэты дзень прызначаны для ўслаўлення Інтэрнэту як адкрытага вакна ў свет і асуджэння нападаў на вольную плынь інфармацыі, — вядзецца ў лісце арганізацый «Рэпарцёры без меж» і «Міжнародная амністыя», накіраваным карпарацыям Google, Yahoo! і Microsoft. — У духу садзейнічання свабодзе выражэння меркаванняў мы просім вас не падвяргаць цэнзуры працу пошукавых сістэм і блогаў у гэты дзень. Мы заклікаем вас 12 сакавіка падтрымаць ідэю Інтэрнэту як вольнай прасторы для кожнага, незалежна ад нацыянальнасці або геаграфічнага месцазнаходжання, а таксама ажыццявіць мару аб сапраўды сусветнага сеціва — няхай нават на працягу аднаго дня. Гэта будзе магутны сігнал для ўсіх «жыхароў Сеціва» — людзей, арганізацый і дзяржаваў, што цэнзура ў Інтэрнэце — гэта не адзіны шлях наперад», - цытуе праваабаронцаў расейскае выданне «Компьюлента».

Па словах праваабаронцаў, у цяперашні час больш за два дзясяткі краін абмяжоўваюць доступ у Інтэрнэт на рэгулярнай аснове. «Мы разумеем цяжкасці, з якімі вы сутыкаецеся ў краінах, якія абмяжоўваюць доступ да Інтэрнэту, — працягваюць «Рэпарцёры без меж» і «Міжнародная амністыя». — Гэтыя краіны спрабуюць здзейсніць ціск на вас, прымусіць выконваць мясцовыя законы, якія не адпавядаюць нормам міжнароднага права і стандартам, якія абараняюць свабоду слова. Але імкненне адпавядаць мясцовым патрабаванням, якія парушаюць нормы міжнароднага права, не зможа апраўдаць вашыя дзеянні. Вашая дапамога дазволіць краінам, такім як Кітай, абыйсці забарону на доступ да інфармацыі аб правах чалавека, Далай-ламе, «Хартыі-08» і дэмакратыі, а таксама да паважаных праваабарончых сайтаў».

Кітай згадаюць не выпадкова. Напрыклад, кітайская версія Вікіпедыі, да прыкладу, заблакаваная цалкам. Урад гэтай краіны ажыццяўляе строгі кантроль над Інтэрнэтам, блакуючы сайты, звязаныя з кітайскімі дысідэнтамі, абвешчаным па-за законам духоўным рухам Фалуньгун, тыбецкім урадам у выгнанні, а таксама рэсурсы, што змяшчаюць інфармацыю аб разні на плошчы Цяньаньмэнь у 1989 годзе.

Варта адзначыць, што беларускія ўлады працягваюць прадпрымаць спробы блакаваць непажаданую інфармацыю ў інтэрнэце, выкарыстоўваючы нават такія крымінальныя метады як ddos-напады. У дні масавых акцый пратэсту апазіцыі, а таксама ў дні правядзення ў краіне выбараў, незалежныя навінавыя сайты, уключаючы сайт www.charter97.org, часта недаступныя для прагляду ў Беларусі.