Аляксандр Казулін сустрэўся з віцэ-прэм’ерам Чэхіі
2- 18.03.2009, 12:48
17 сакавіка былы палітвязень і экс-кандыдат на пасаду прэзідэнта Аляксандр Казулін сустрэўся ў Празе з віцэ‑прэм’ерам Чэхіі па еўрапейскіх справах Аляксандрам Вондрай.
Галоўнай тэмай размовы было пытанне запрашэння Лукашэнкі ў Прагу на майскі саміт кіраўнікоў дзяржаў, перадае «Наша Ніва».
Казулін выказаў меркаванне, што запрашаць Лукашэнку ў Прагу немагчыма, бо ў Беларусі не зроблена ніякіх канкрэтных крокаў па дэмакратызацыі, якія маглі б кампенсаваць рэпрэсіі за апошнія пятнаццаць гадоў кіравання. Па словах Казуліна, такую пазіцыю займаюць 90% прадстаўнікоў беларускага дэмакратычнага руху.
Былы палітвязень сказаў, што ў 2009 годзе адзначаюцца 20‑ыя ўгодкі аксамітнай рэвалюцыі, а 7 траўня, у дзень саміту, будзе роўна дзесяць гадоў з моманту знікнення Юрыя Захаранка. Таму ў такіх умовах прыезд Лукашэнкі ў Прагу абазначаў бы выйгрыш дыктатуры над дэмакратыяй.
