Беларускую апазіцыю запрасілі на саміт Еўрапейскай народнай партыі
1- 19.03.2009, 11:57
Лідэр руху «За свабоду» Аляксандр Мілінкевіч знаходзіцца ў Брусэлі, дзе сёння ў 13.00 па менскім часе пачынаецца саміт Еўрапейскай народнай партыі.
Партыя складаецца з правацэнтрысцкіх і хрысціянска-дэмакратычных партый і мае самую буйную фракцыю ў Еўрапарламенце. У форуме прымаюць удзел такія вядомыя палітыкі, як Ангела Меркель, Нікаля Сарказі, Мануэль Барозу і іншыя. «Народнікі» хочуць яшчэ раз сверыць свае пазіцыі перад паседжаннем Рады Еўразвяза, якое таксама пачынаецца ў сталіцы Бельгіі.
Аляксандр Мілінкевіч паведаміў у інтэрв'ю «Радыё Свабода», што збіраецца настойваць на неабходнасці рэальных змен у Беларусі ў бок дэмакратыі.
«Я буду казаць аб тым, што Беларусі трэба пакінуць шанец далучыцца да праграмы «Ўсходняе партнёрства». Але пры абавязковай умове наступных крокаў у напрамку рэальнай дэмакратызацыі», - заявіў ён.
