Працаўнікі шклозаводу «Нёман» рыхтуюцца да страйку
22- 26.03.2009, 14:38
У сувязі з несвоечасовай выплатай заробкаў працоўныя Бярозаўскага шклозавода «Нёман» рыхтуюцца да страйку.
На працягу апошніх месяцаў кіраўніцтва прадпрыемства выплочвае заробкі працоўным з парушэннем тэрмінаў. Паводле калектыўнай дамовы, грошы павінныя выплочвацца не пазней за 25 дня кожнага месяца, але ў сувязі з цяжкім эканамічным становішчам заробкі працоўныя прадпрыемства атрымліваюць значна пазней, перадае «Радыё Рацыя».
Менавіта гэта, па словах працоўных шклозавода «Нёман», і стала падставай для хваляванняў.
Прафсаюзны камітэт прадпрыемства і ягоны кіраўнік спрабуюць супакоіць працоўных, якія паставілі ўльтыматум адміністрацыі завода: калі цягам дня грошы не будуць пералічаныя на рахункі, частка працоўнага калектыву адмаўляецца выконваць свае абавязкі.
