Кошты ў менскіх новабудоўлях падыходзяць да мяжы ў 1000 даляраў за квадратны метр

Кошты на другасным рынку жылля ў сталіцы працягваюць падаць.

У апошнія дні на сайце realt.by з'явіліся прапановы, якія яшчэ нядаўна здаваліся фантастычнымі, піша «Комсомольская правда в Беларуси».

Напрыклад, аднапакаёвая новабудоўля ў мікрараёне Ўручча 45.2 / 17.96 / 9.6 кв.м. («З будаўнічым аздабленнем, дом здаецца ў чэрвені гэтага года» - вядзецца ў аб’яве) прадаецца па 1069 даляраў за квадрат – гэта значыць за 48,3 тыс. даляраў. Нядрэнная прапанова (Напалеона Орды вул., 11, праўда, 1 паверх) ёсць за 1111 даляраў. Але кватэра досыць прасторная - 49.5 / 22.6 / 10.5 кв.м.

У дыяпазоне да 1150 за метр прадаюцца яшчэ некалькі «адзінак» - новабудоўляў.

Кошт двухпакаёвых кватэр чамусьці сёння не такі прывабны. Да 1100 за «квадрат» прадаюцца толькі «хрушчоўкі» і «брэжнеўкі». Затое ў дыяпазоне ад 1100 да 1150 даляраў ужо ёсць і новыя кватэры. Напрыклад, 69 / 39.8 / 13.1 кв.м. на Томскай, 2 паверх у каркасным доме. Гэтая кватэра ацэненая ўладальнікам у 76 000 у.а., гэта значыць па 1 101 у.а. за кв.м.

Трохпакаёвыя цешаць больш. Новая кватэра 70.6 / 41 / 8.8 кв.м. на Набярэжнай (раён Червякова) дзівіць уяўленне коштам квадрата ў 949 у.а.

У прынцыпе, сягоння сярэдні кошт квадратнага метра ў новай «тройцы» у спальным раёне складае ад 1000 да 1150 даляраў.

Трэба адзначыць: спецыялісты меркавалі, што да лета «квадрат» у тыпавой кватэры будзе каштаваць 1300. Аднак рынак іх прагнозы апраўдаў з відавочным апярэджаннем.