Расея адказвае ЗША «Іскандэрамі»: пляцоўкай для ракет можа стаць Беларусь

У адказ на размяшчэнне амерыканскай СРА ў Польшчы і Чэхіі Мінабароны Расеі будзе закупляць «Іскандэры».

Таксама, як паведамляе Lenta.ru, Расея плануе стварэнне новых радыёлакацыйных станцый высокай завадской гатовасці дэцыметравага дыяпазону для сістэмы папярэджання аб ракетным нападзе.

Аб гэтым заявіў намеснік міністра абароны РФ Уладзімір Папоўкін. Вайскоўцы таксама маюць намер завяршыць шэраг навукова-даследчых і дасведчана-канструктарскіх прац у гэтай галіне і павялічыць закупку комплексаў «Іскандэр».

27 лютага 2009 годы на баявое дзяжурства ўжо заступіла радыёлакацыйная станцыя «Варонеж-ДМ», размешчаная пад Армавірам. Яна змяніла ўкраінскія РЛС у Севастопалі і Мукачево, якія ў той жа дзень былі адключаныя, паколькі ўжо выпрацавалі свой рэсурс. Расійскія вайскоўцы таксама лічаць, што РЛС, размешчаныя за мяжой, могуць быць выкарыстаныя для ціску на РФ.

Ад размяшчэння ў заходніх рэгіёнах Расеі ракетных комплексаў «Іскандэр», аб якіх упершыню абвясціў летась прэзідэнт Дзмітрый Мядведзеў, Мінабароны таксама не адмовілася. Раней з'явілася інфармацыя, што размяшчэнне «Іскандэраў» прыпыненае, паколькі новая адміністрацыя ЗША «не фарсіруе планы» па разгортванні СРА у Польшчы і Чэхіі.

Планамі Мінабароны Расеі таксама прадугледжаныя пастаўкі «Іскандэраў» у іншыя рэгіёны. Аднак яны не выклікаюць такую жа турботу ЗША і еўрапейскіх дзяржаў, як намеры размясціць гэтыя комплексы ў прымежнай Калінінградскай вобласці. У зону іх дзеяння могуць патрапіць, у тым ліку, і рэгіёны, дзе плануецца размясціць элементы амерыканскай СРА. «Іскандэр» здольны паражаць агнявыя сродкі, аб'екты сістэм супрацьракетнай і супрацьпаветранай абароны, авіяцыю на аэрадромах, а таксама цэнтры кіравання, сувязі і аб'екты грамадзянскай інфраструктуры на адлегласці да 500 кіламетраў.

Нагадаем, што 3 лютага ў Маскве Расея і Беларусь склалі дамову аб сумеснай ахове знешняй мяжы «саюзнай дзяржавы» у паветранай прасторы і стварэнні Адзінай рэгіянальнай сістэмы супраць паветранай абароны. Дакумент быў падпісаны ў Крамлі па выніках паседжання Вышэйшага дзяржсавета «саюзнай дзяржавы» у прысутнасці кіраўнікоў Расеі і Беларусі.

Як заяўляў раней галаўкам ВПС Расеі генерал-палкоўнік Аляксандр Зелін, у баявы склад адзінай сістэмы СПА увойдуць пяць авіяцыйных частак, дзесяць зенітна-ракетных частак, пяць радыетэхнічных частак і адна частка радыёэлектроннай барацьбы.

У свой час Расея фактычна адмовілася ад намераў паставіць на баявое дзяжурства ракетныя комплексы «Іскандэр» у Калінінградскай вобласці.

Разам з тым, як заяўлялі шматлікія незалежныя эксперты, нельга выключаць, што падпісанне дамовы аб адзінай сістэме СПА Беларусі і Расеі стане каталізатарам намераў па размяшчэнні «Іскандэраў» на тэрыторыі Беларусі. Тым больш што Лукашэнка заяўляў аб жаданні набыць гэтыя комплексы для войска ў межах запланаванага пераўзбраення.