Беларускія ўлады адмовіліся прадаць Мазырскі НПЗ Расеі?

Як паведамляюць расейскія СМІ, урад Беларусі адказаў адмовай на прапанову «Газпрам нафты» і ТНК-BP (саўладальнікі «Слаўнафты») аб куплі дзярждолі ў ААТ «Мазырскі нафтаперапрацоўчы завод».

Аб гэтым паведамляе «Интерфакс» са спасылкай на крыніцу ў дзяржорганах. Як паведаміла крыніца, прапанова паступіла ў пачатку сакавіка гэтага года. Ён выказаў здагадку, што прапанова аб куплі дзярждолі ў Мазырскім НПЗ выкліканая падзелам актываў «Слаўнафты», які зараз праводзяць «Газпрам нафта» і ТНК-ВР. НГК «Слаўнафта» належыць 42,5% акцый у Мазырскім НПЗ і падзел пакета прывядзе да згубы паўнамоцтваў уладальніка блокпакета, лічыць крыніца. Па экспертнай адзнацы, сума ўгоды па куплі дзярждолі ў Мазырскім НПЗ магла скласці парадку $1 млрд з улікам прэміі за кантроль.

У прэс-службах ТНК-ВР і «Газпрам нафты» не каментуюць гэтую інфармацыю.

Як паведамлялася, магчымасць падзелу належачых «Слаўнафце» 42,5% акцый у НПЗ ускладняецца таксама дамовай паміж урадам Беларусі і НГК «Слаўнафта» аб роўным удзеле бакоў у будаўніцтве комплексу каткрэкінга на Мазырскім НПЗ. Дадзеная дамова прадугледжвае парытэтны ўдзел бакоў у акцыянерным капітале ААТ «Мазырскі НПЗ» да поўнага вяртання ўкладзеных у праект інвестыцый.