Запазычанасць беларускіх прадпрыемстваў па крэдытах і пазыках дасягнула 15 мільярдаў даляраў

Запазычанасць беларускіх прадпрыемстваў па крэдытах і пазыках на 1 сакавіка 2009 года склала 42,54 трыльёна беларускіх рублёў (каля 15 мільярдаў даляраў ЗША) і павялічылася ў параўнанні з 1 сакавіка 2008 годы ў 1,5 раза.

У параўнанні з пачаткам года рост запазычанасці склаў 11,5%, у тым ліку за студзень – 6,3%, за люты – 4,8%, паведамляе АФН са спасылкай на Белстат.

На прамысловасць прыходзіцца 21,08 трлн. рублёў запазычанасці, сельскай гаспадаркі – 9,14 трлн. рублёў, гандаль і агульнахарч – 3,51 трлн. рублёў, прадпрыемстваў матэрыяльна-тэхнічнага забеспячэння і збыту – 2,15 трлн. рублёў, будаўніцтва – 1,87 трлн. рублёў, транспарт – 1,67 трлн. рублёў.

Пратэрмінаваная запазычанасць па крэдытах і пазыках на 1 сакавіка дасягнула 633,27 млрд. рублёў, павялічыўшыся ў параўнанні з 1 сакавіка мінулага года на 47,4%. У параўнанні з пачаткам года яна вырасла на 32,2%, у тым ліку за студзень – на 15,7%, за люты – на 14,3%.

Пры гэтым 283,14 млрд. пратэрмінаванай запазычанасці прыходзіцца на прамысловасць, 253,86 млрд. - на сельскую гаспадарку. На гандаль і грамадскае харчаванне прыходзіцца 12,5 млрд., транспарт – 8,78 млрд., будаўніцтва – 3,13 млрд. пратэрмінаванай запазычанасці.