Расейскія тэлеканалы: За нашым адключэннем у Беларусі могуць стаяць палітычныя матывы
35- 2.04.2009, 10:28
Кіраўнікі расейскіх тэлеканалаў пракаментавалі спыненне вяшчання на тэрыторыі Беларусі.
«Мы ўспрымаем гэта як сур'ёзны і небяспечны крок, крок досыць рэзкі і трывожны», - заявіў у інтэрв'ю «Інтэрфакс» дырэктар дырэкцыі міжнародных адносін УДТРК Сяргей Кашлякоў, які адказвае, у прыватнасці, за канал «РТР-Планета».
Ён адзначыў, што ў ягонай кампаніі няма афіцыйнага каментара па гэтай падставе, але выказаў пэўныя здагадкі.
«Не выключана, што быў пэўны ціск беларускіх кампаній, каб прыбраць канкурэнцыю. Таксама дапушчаюцца нейкія палітычныя матывы, каб беларускім уладам не згубіць кантроль над інфармацыйнай прасторай», - сказаў Сяргей Кашлякоў.
У сваю чаргу, генеральны дырэктар НТВ Уладзімір Кулісцікаў сказаў журналістам, што «гэтая акцыя ажыццёўленая відавочна без уліку меркавання большасці беларускіх тэлегледачоў».
«Шматлікія гады мы заставаліся часткай іхніх сямей, дзесьці забаўлялі, дзесьці інфармавалі, а дзесьці суцяшалі. Гвалтощнае разрыванне нашых адносінащ невытлумачальнае ні з пункту гледжання эканомікі, ні з пункту гледжання палітыкі – прынамсі, якая абвяшчаецца», - лічыць Кулісцікаў.
Таксама здзіўленне з нагоды здарэння выказалі і на Першым канале, аднак пакуль ад якіх-небудзь каментароў устрымаліся.
Сітуацыю вакол трансляцыі расейскіх тэлеканалаў у Беларусі абмеркаваў таксама статс-сакратар - намкіраўніка МЗС РФ Рыгор Карасін з першым намеснікам міністра замежных спраў Беларусі І.Пятрышанкам.
У паведамленні МЗС РФ, распаўсюджаным у чацвер, вядзецца, што тэлефонная гутарка высокапастаўленых дыпламатаў адбыўся напярэдадні.
Бакі абмеркавалі некаторыя актуальныя пытанні расейска-беларускага ўзаемадзеяння.
«Закраналася таксама сітуацыя з трансляцыяй расейскіх тэлеканалаў па кабельных сетках Беларусі», - вядзецца ў паведамленні МЗС РФ.
Нагадаем, што з 1 красавіка ў кабельных сетках Беларусі спыненае вяшчанне расейскага Первого канала, кампаній «Всемирная сеть», «НТВ-МИР», «РенТВ», «ТВ-Центр Интернейшнл», «РТР-Планета». Замест некаторых з адключаных каналаў у цяперашні час транслююцца тэлеканалы «Россия. Вести 24 часа», «Мир. СНГ», «ТНТ».
